Ermənistanda Avropa müşahidəçi bazalı mərkəzlərin sayının artırılmasının Ermənistan-Azərbaycan münasibətlərində sabitlik və sülhün bərqərar olması ilə heç bir əlaqəsi yoxdur.
“Sputnik Armenia” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib
Onların mülki xarakterli pərdə altında mandatında ikinci cığırın olması ilə bağlı şübhələr var.
“Cənubi Qafqazda davam edən Avropa ekspansiyası mövcud ziddiyyətləri daha da gücləndirə bilər. Missiyanın heç bir “əlavə dəyəri” yoxdur. O, təhlükəsizliyi və Rusiyanın vasitəçiliyinin həlledici rolu ilə əldə edilmiş atəşkəs razılaşmalarına əməl olunmasını təmin edə bilmir.
Rusiya sülhməramlı kontingentinin mövcudluğu regionda sülhün real təminatı olaraq qalır. Ermənistan-Azərbaycan normallaşması və Cənubi Qafqazda vəziyyətin sağlamlaşdırılmasınım əsası isə üçtərəfli sazişlərin icra olunmasıdır”, – deyə Zaxarova vurğulayıb.
O əlavə edib ki, Avropa İttifaqının regionda siyasətinin arxasında duran əsl məntiq Rusiyanın sıxışdırılması, Cənubi Qafqazın burada yaşayan insanların köklü maraqlarına ziyan vuraraq geosiyasi qarşıdurma meydanına çevrilməsidir.
