“Vaqner” rəhbəri Yevgeni Priqojini dünən Vladimir Putin dayandırmadı. Bu baş tutmamış çevriliş göstərdi ki, Rusiya prezidenti daha ölkənin ən nufuzlu və güclü şəxsi deyil”.
Azpost.info bildirir ki, bu sözləri məşhur rusiyalı jurnalist və analitik Yuliya Latınina deyib.
Onun sözlərinə görə, Rostov sirkinin qapılarına ilişən tank son iki gündə baş verən hadisələri ən yaxşı xarakterizə edir: “Bu çevriliş “sirkdə ilişib qalmış tank” kimi tarixə düşəcək… Nəticə necə oldu? “Putinin piyadaları”ndan bir nəfər də olsun onun müdafiəsinə qalxmadı. Heç kim. Kral çılpaqdır”, – deyə rusiyalı jurnalist yazıb.
Latınina bildirib ki, hadisələrin belə gedişatı Rusiyanın yeni sahibini meydana çıxarıb. O. hələlik kölgədədir. Putinlə bağlı məsələ artıq bitib. “Priqojinlə razılaşan şəxs Rusiyanın yeni sahibi olacaq. Və bu Putin deyil. Mənim məlumatıma görə, bu prosesin müdafiəsi ilə bağlı bütün işlərə Patruşev cavabdeh olub” -deyə Latınina məlumatında bildirib.
Rusiya Təhlükəsizlik Şurasının katibi, Putinin ən yaxın adamlarından olan general Nikolay Patruşev uzun illər Rusiya xüsusi xidmət orqanlarına rəhbərlik edib.
Azpost.info
