Ukraynadakı münaqişənin həlli üçün sülh danışıqları 2023-cü ilin iyulunda başlaya bilər.
Azpost.info xəbər verir ki, bu barədə Almaniyanın ARD telekanalı mənbələrə istinadən bildirib.
Məlumata görə, iyunun 24-də Danimarkada Ukrayna ilə bağlı beynəlxalq tədbir keçirilib. Tədbirdə Qərb dövlətlərinin, eləcə də BRİKS ölkələrinin (Braziliya, Hindistan, Çin və Cənubi Afrika) nümayəndələri iştirak ediblər.
Telekanalın məlumatına görə, danışıqlardan əvvəl Qərb ölkələri Rusiya və Ukrayna arasında qarşıdurmada bitərəf qalan BRİKS dövlətlərinin dəstəyini almağa çalışıb. ABŞ prezidentinin milli təhlükəsizlik üzrə müşaviri Ceyk Sallivan BRİKS ölkələrinin nümayəndələri ilə məsləhətləşmələrdə iştirak etmək üçün Kopenhagenə gəlib.
Danimarkanın paytaxtında keçirilən görüşün təşəbbüskarı Kiyev olub.
Azpost.info
