Rusiyada məhkumlar artıq özəl hərbi şirkətlərlə müqavilə bağlaya bilməyəcəklər.
Azpost.info xəbər verir ki, bunu Rusiya Dumasının komitə sədri Pavel Kraşeninnikov son qanunlara istinad edərək bildirib.
Komitə sədrinin sözlərinə görə, bu fakt özəl hərbi şirkətlərin bəzi funksiyalarının aradan qalxdığını deməyə əsas verir.
O, eyni zamanda qeyd edib ki, məhkumlar Rusiya Müdafiə Nazirliyi ilə müqavilə bağlayacaqları təqdirdə Ukraynadakı hərbi əməliyyatlarda iştirak edə biləcəklər.
“Özəl hərbi şirkətlər məhkumları götürüb onlarla müqavilə bağlaya bilərdi. İndi qanunla fərqli prosedur qəbul olunub ki, müqavilələr yalnız Müdafiə Nazirliyi ilə bağlanır. Prosedur tam şəkildə müəyyən edilib”, – deputat bildirib.
Azpost.info
