Beynəlxalq raket sistemləri istehsalçısı MBDA hipersəs silahlarına qarşı müdafiə sisteminin prototipinin yaradılması üçün Almaniya, Niderland, Fransa və İtaliyanın hakimiyyət orqanları ilə ilkin razılığa gəlib.
Azpost.info xəbər verir ki, bu barədə şirkətin baş icraçı direktoru Erik Beranje “Daily Telegraph”a bildirib.
Onun sözlərinə görə, proses üç il ərzində başa çatdırılmalıdır.
“Müdafiə sistemi saatda 11 000 km sürətlə gedən raketləri vurmaq üçün bütün Avropada yerləşdirilə bilər”, – Beranje deyib.
O əlavə edib ki, layihə Avropada suveren raket sistemləri sənayesinin güclənməsinə töhfə verəcək, həmçinin Avropa sənayesinin rəqabət qabiliyyətini artıracaq: “MBDA innovasiyaların önündə qalmaq və Avropanı hipersəs təhlükələrinin qarşısını almaq üçün ən effektiv həll yoluna yönəltmək istəyir. MBDA qismən Britaniya müdafiə şirkəti “BAE Systems”ə məxsusdur”.
Hipersəs silahlar saatda təxminən 6 min kilometr sürətə çatmağa qadirdir ki, bu da səs sürətindən beş dəfə çoxdur. Belə silahlar Çin, ABŞ və Rusiya tərəfindən hazırlanır.
Azpost.info
