“Vaqner” tərəfindən hərbi qiyam cəhdi daxili sabitliyə hücumdur”.
Azpost.info xəbər verir ki, bunu Rusiya Kommunist Partiyasının sədri Gennadi Züqanov bildirib.
O qeyd edib ki, bu vəziyyət Rusiya üçün təhlükəli ola bilər.
Züqanov həmçinin Belarus prezidenti Aleksandr Lukaşenkonun mövcud vəziyyətin həllində mühüm rolunu vurğulayıb: “Bu dəfə ilk növbədə daxili sabitliyə qəsd cəhdi oldu və prezidentin təlaşın ölkəni məhv edəcəyini deməsi təsadüfi deyildi. Və Allaha şükürlər olsun ki, ağlabatan bir həll tapdılar. Allah Lukaşenkoya cansağlığı versin”.
Züqanovun sözlərinə görə, Belarus lideri sadəcə vasitəçilik etməyib, eyni zamanda problemin həllini təklif edib: “İndi ciddi nizam-intizam yaratmaq lazımdır. Rusiyanın Ukraynadakı vəziyyəti dəyişmək üçün təxminən beş ay vaxtı var. Dövlətçiliyi möhkəmləndirmək, əhali arasında vətənpərvərlik hissini yüksəltmək lazımdır. Orduda komandanlıq birliyi olmalı və hər kəs Ali Baş Komandanın əmrini yerinə yetirməlidir”.
Azpost.info
