“Silahlı qiyam bütün hallarda yatırılacaqdı”
Azpost.info bildirir ki, bu sözləri Rusiya prezidenti Putin bu gecə xalqa müraciətində bəyan edib.
Putin qiyamın baş tutmamasında ictimaiyyətin, partiyaların, dini qurumların qəti mövqeyinin həlledici rol oynadığını bildirib.
Putin qiyamın təşkilatçılarını “xain” adlandırıb.
Rusiya Prezidenti qeyd edib ki, qiyam zamanı həlak olan hərbçilərin fədakarlığı ölkəni dəhşətli nəticələrdən xilas edib.
Putin eyni zamanda “Vaqner” döyüşçülərini vətənpərvərliyini tərifləyib və deyib ki, Ukraynada onların qəhrəmanlığı sayəsində bir sıra ərazilər azad edilib. O, “Vaqner” döyüşçülərindən istifadə edildiyini vurğulayıb.
Putin qan axıdılmasına getməyən “Vaqner”çilərə təşəkkür edib.
Prezident “Vaqner”çilərin sonrakı taleyinə də aydınlıq gətirib.
O, “Vaqner” döyüşçülərinə Müdafiə Nazirliyi ilə müqavilə bağlamağı, silahı qoyub evə, doğmalarının yanına qayıtmağı ya da Belarusa getməyi təklif edib. “Mən verdiyim sözün üzərində dururam”-deyə Putin deyib.
Rusiya prezidenti həmçinin problemin həllində köməyinə görə Belarus rəhbəri Lukaşenkoya təşəkkür edib.
