“Ukraynanın əks-hücum əməliyyatı bir neçə həftəyə başa çatacaq”.
Azpost.info xəbər verir ki, bunu “Axmat” xüsusi təyinatlı dəstəsinin komandiri Aptı Alaudinov deyib.
Onun sözlərinə görə, indi Kiyev Qərb ölkələrinin liderləri qarşısında özünü doğrultmağa və onları silah və pulun boş yerə tədarük edilmədiyinə inandırmağa çalışacaq: “Qondarma əks-hücum daha bir neçə həftə davam edə bilər. Düşmən Qərbdəki ağalarını pul və texnikanın boş yerə göndərilmədiyinə inandırmağa çalışacaq. Bununla belə, biz vəziyyəti elə nəzarət altında saxlayırıq ki, düşmənin resurslarını lazımsız itkilər vermədən azaldaq”.
“Rusiya qüvvələri Ukrayna Silahlı Qüvvələrinin istənilən hücumunu dəf etməyə hazırdır”, – o bildirib.
Azpost.info
