ABŞ-ın Florida ştatının Ceksonvil şəhərində atışma nəticəsində 4 nəfər ölüb.
Bu barədə “Reuters” agentliyi Ceksonvil şəhərinin meri Donn Diqana istinadən məlumat yayıb.
Silahlı şəxs “Dollar General” ticarət mərkəzindəkiləri atəşə tutub. Hadisə yerinə xüsusi təyinatlılar cəlb olunub, silahlı şəxs öldürülüb.
Şəhər polis rəisi bildirib ki, cinayət afroamerikalılara nifrət zəminində baş verib, silahlı şəxs ticarət mərkəzində məhz afroamerikalıları atəşə tutub.
