“İsrailin Qəzzadakı xəstəxanaya mümkün hücumu ilə bağlı xəbərlər hələ də nəzərdən keçirilir”.
Azpost.info “Times of Israel”ə istinadən bildirir ki, bu barədə İsrail ordusunun sözçüsü, kontr-admiral Daniel Hagari bildirib.
O qeyd edib ki, bununla bağlı hələlik tam məlumat yoxdur və mümkün olanda əlavə məlumat veriləcək.
O, yüzlərlə insan tələfatına səbəb olduğu bildirilən partlayışın İsrailin zərbəsi olub-olmadığını hələ bilmədiyini deyib.
“Çoxlu hava hücumları, çoxlu uğursuz raket zərbələri, və “Həmas”ın çoxlu sayda saxta mesajları olub”, – Həğari deyib.
İsrailin Kanal 12-nin xəbər müxbiri partlayışın HƏMAS-ın uğursuz raket buraxılışı və ya sursat anbarının yanması nəticəsində baş verdiyini ehtimal edir.
O bildirib ki, İsrail hərbi hava qüvvələri xəstəxanalara hücum etmir.
