ABŞ İsrail Qəzza zolağında quru əməliyyatına başlamazdan əvvəl Yaxın Şərqdəki qüvvələrini gücləndirir.
Azpost.info xəbər verir ki, Pentaqonun sözçüsü briqada generalı Patrik Rayderin sözlərinə görə, Milli Qvardiyanın F-16 qırıcılarından ibarət 119-cu Ekspedisiya Qırıcı Eskadronu bölgəyə yerləşdirilib.
Həmçinin Pentaqon rəhbəri Lloyd Ostinin daha əvvəl dediyi kimi, Pentaqon Yaxın Şərqə THAAD raket əleyhinə sistemləri və əlavə Patriot zenit-raket kompleksləri batalyonları göndərəcək.
“The Wall Street Journal”ın məlumatına görə, THAAD sistemləri Səudiyyə Ərəbistanına, Patriot sistemləri isə Küveyt, İordaniya, İraq, Qətər və Birləşmiş Ərəb Əmirliklərinə göndəriləcək.
Nəşr qeyd edir ki, əvvəllər Birləşmiş Ştatlar bu cür silahları regiondan çıxarmışdı, lakin İsrail və HƏMAS arasındakı müharibə fonunda ABŞ hərbçilərinə qarşı artan hücumlar Vaşinqtonda narahatlığa səbəb olub.
“Biz yaxın gələcəkdə ABŞ qüvvələrinə və bütün regionda şəxsi heyətinə qarşı daha ciddi eskalasiya perspektivini görürük. Təhlükə İranın əlaltılarından və İranın özündən gəlir”, – Rayder bildirib.
Azpost.info
