Əli İnsanov
Naxçıvanın sabiq kənd təsərrüfatı naziri Yusif Vəliyev Əli İnsanovun sədri olduğu Haqq-Ədalət Partiyasına daxil olub. İdarə Heyətinin qərarı ilə Ə.İnsanovun müşaviri təyin edilib.
Azpost.info bildirir ki, bu barədə HƏP mətbuat xidməti məlumat yayıb.
Yusif Vəliyev 1980-90-cı illərdə əvvəlcə Naxçıvan Muxtar Respublikası Vilayət partiya komitəsində şöbə müdiri, sonra Naxçıvan Kənd Təsərrüfatı Nazirliyində şöbə müdiri olub. 1994-cü ilə qədər kənd təsərrüfatı naziri vəzifəsində çalışıb.
1994-1999-cu illərdə Beynəlxalq bankının filial müdiri olub. 2000-ci ildən isə Dünya bankının eksperti kimi fəaliyyətini davam etdirməkdədir.
Yusif Vəliyev 2019-cu ildən 2023-cü ilə qədər Vətəndaş və İnkişaf partiyasında sədr müavini vəzifəsini tutub.
Azpost.info
