Əli İnsanov
Haqq-Ədalət Partiyasının sədri, sabiq səhiyyə naziri Əli insanov Prezident İlham Əliyevi ad günü münsaibəti ilə təbrik edib.
Azpost.info bildirir ki, HƏP sədri təbrikdə dövlət başçısının Azərbaycanın ən yeni tarixini yazdığını bəyan edib:
“Siz, qısa illər ərzində ölkəmiz üçün tarixin ağır yükü olan, yüzilliklərin “Qarabağ problemini’’ Azərbaycanın xeyrinə Şanlı Qələbə ilə sona çatdırmaqla həllinin mümkünlüyünə ümidini itirmiş xalqımızı böyük sevinc və xoşbəxtliyə qovuşdurdunuz! Dünyada mövcud olan çoxsaylı oxşar münaqişələrin həlli ilə onilliklərlə çarpışan böyük güclərə və siyasi liderlərə örnək oldunuz. Azərbaycan xalqına isə Sizi Qarabağ Fatehi adlandırmağa haqq qazandırdınız.
Siz, Ulu Öndərimiz Heydər Əliyevin inandığı qədər yüksəkliklərə ucala bildiniz və bu gün dünyanın ən nüfuzlu siyasi liderləri sırasındasınız, dünyada söz sahibisiniz”.
Ə.İnsanov qeyd edib ki, 2024-cü il fevralın 7-də keçiriləcək Prezident seçkiləri Azərbaycan tarixinə Zəfər seçkiləri kimi həkk olunacaq: “Xalqımız və bütün dünya Sizin qazanacağınız parlaq qələbənizi haqqınız sayır. Siz, Azərbaycanın ən yeni tarixinin şanlı səhifələrini yazırsınız. Böyük uğurlarınızla fəxr edir və qürur duyuruq. Sizi, Ad Gününüz münasibətilə bir daha ürəkdən təbrik edir, Sizə möhkəm cansağlığı, ailə xoşbəxtliyi və xalqımızın rifahı, ölkəmizin davamlı inkişafı yolunda gördüyünüz işlərdə böyük uğurlar arzulayıram”.
Azpost.info
