Rusiyada COVID-19 peyvəndlərinin istehsalı üzrə şirkətin rəhbəri Yevgeni Makovski həbs edilib.
Azpost.info RİA-ya istinadən bildirir ki, Moskva məhkəməsi külli miqdarda rüşvət almaqda şübhəli bilinərək saxlanılan Yevgeni Makovski barədə 2024-cü il fevralın 20-dək həbs qərarı verib.
Makovski rüşvət almaqda və cinayət törətməyə hazırlıqda ittiham olunur.
Dekabrın 27-də Sankt-Peterburqda koronavirusa qarşı vaksin istehsalı üzrə şirkətin direktoru vəzifəsini icra edən Yevgeni Makovski külli miqdarda rüşvət almaqda şübhəli bilinərək həbs edilib.
O, “Sankt-Peterburq Elmi-Tədqiqat Vaksinlər və Serumlar İnstitutu və Bakteriya preparatlarının istehsalı müəssisəsi” Federal Dövlət Müəssisəsinin rəhbəri vəzifəsində çalışıb.
Müstəntiqlərin fikrincə, o, “Rusbiopharm” MMC-nin rəhbəri Sergey İssersdən virusa qarşı vaksinlərin tədarükü ilə bağlı müqavilələrin uzadılması üçün rüşvət almağa hazırlaşırmış. Rüşvət 19 milyon rubldan çox olub.
Azpost.info
