Polşada saxlanılan Belarus vətəndaşı casusluqda ittiham edilir.
Azpost.info xəbər verir ki, bu barədə Polşa mətbuatı məlumat yayıb.
Qadın Minskdə Dövlət Təhlükəsizlik Komitəsinə məlumat ötürməkdə şübhəli bilinir.
Təqsirləndirilən şəxs dekabrın 20-də Polşa Daxili Təhlükəsizlik Agentliyi tərəfindən saxlanılıb. Ona qarşı Varşava Milli Prokurorluğunun Mütəşəkkil Cinayətkarlıqla və Korrupsiyaya Qarşı Mübarizə İdarəsi tərəfindən ittiham irəli sürülüb.
Məhkəmə belaruslu qadını 3 ay müddətinə müvəqqəti həbs edib. Saxlanılan şəxsin günahı sübuta yetirilərsə, o, 10 ilədək müddətə azadlıqdan məhrum edilə bilər.
Azpost.info
