Fransa Rusiya müdafiə naziri Sergey Şoyqunun Parisin Ukrayna üzrə danışıqlara hazır olması ilə bağlı bəyanatını yalan adlandırıb.
Azpost.info xəbər verir ki, bu barədə “Reuters” Fransa hökumətindəki mənbəyə istinadən yazır.
Fransa bəyan edib ki, Rusiyanın bəyanatlarının əksinə olaraq, iki ölkənin müdafiə nazirləri arasında telefon danışığı zamanı Ukraynadakı müharibəni dayandırmaq üçün dialoqa hazır olduqlarını bildirməyiblər.
“Bu yalandır. Biz heç bir halda Ukrayna ilə bağlı dialoqa, danışıqlara və ya buna bənzər hər hansı bir işə hazır olduğunuzu bildirməmişik”, – mənbə deyib.
Çərşənbə günü Rusiya Müdafiə Nazirliyi bəyanat yayıb ki, nazir Sergey Şoyqu fransalı həmkarı Sebastyan Lekornu ilə Ukraynadakı müharibə mövzusu ilə bağlı müzakirə aparıb və danışıqlar zamanı qarşı tərəf münaqişənin həlli üçün dialoqa hazır olduğunu qeyd edib.
Azpost.info
