“Krasnoe & Beloe” mağazalar şəbəkəsinin təsisçisi Sergey Studennikov son bir ildə Rusiyanın ən çox varlanan iş adamı olub.
Azpost.info xəbər verir ki, bu barədə “Forbes” yazıb.
İl ərzində 57 yaşlı milyarderin sərvəti 113 faiz artaraq 3,2 milyard dollara çatıb.
Pərakəndə satış şəbəkəsinin sahibi ölkədə spirtə tələbat kəskin artdıqdan sonra kapitalını ikiqat artıra bilən yeganə rus oldu.
Alkoqol və Tütün Bazarlarının Tənzimlənməsi üzrə Federal Xidmətin məlumatına görə, ötən il ruslar 229,5 milyon dekalitr (2,3 milyard litr) spirtli içkilər alıblar ki, bu da bütün dövrlərin statistikası üçün rekord göstəricidir. 2022-ci illə müqayisədə spirtli içkilərin satışı 4,1 faiz və ya təxminən 100 milyon litr artıb.
Azpost.info
