Anaheimdəki Honda Mərkəzində Disney-in D23 Fan Expo sərgisində “Avatar” filminin yeni bölümünün rəsmi adı açıqlanıb.
Azpost.info “Deadline” portalına istinadən xəbər verir ki, üçüncü hissə “Avatar: Od və Kül” (“Avatar: Fire and Ash”) adlanacaq.
Rejissor Ceyms Kemeron ulduzlar Zoe Saldana və Sem Uortinqtonu özü ilə bərabər səhnəyə dəvət edib. “Mən bunun üçün Yeni Zelandiyadan 7000 mil gəldim” deyən Kameron əlavə edib ki, tamaşaçılar yeni mədəniyyətlər və parametrlər görəcəklər”: “Siz indiyə qədər gördüyünüzdən daha çox Pandora görəcəksiniz. Yeni film gözlədiyiniz kimi deyil, amma mütləq istədiyiniz kimi olacaq”.
O, həmçinin tamaşaçıların “sevəcəyi və ya nifrət edəcəyi” yeni personajlara eyham vurub.
“Avatar: Fire and Ash” filminin 19 dekabr 2025-ci ildə kinoteatrlarda nümayişi planlaşdırılır.
