Oktyabrın 4-də Rusiyanın xarici işlər naziri Sergey Lavrov Azərbaycanın Moskvadakı səfiri Rəhman Mustafayevlə görüşüb.
Rusiyanın Xarici İşlər Nazirliyinin yaydığı məlumata görə, Sergey Lavrov strateji tərəfdaş və müttəfiq olan dost dövlətin diplomatik missiyasının rəhbərini səmimiyyətlə qarşılayıb və ona fəaliyyətində uğurlar arzulayıb.
Daha sonra Rəhman Mustafayev Rusiya xarici işlər nazirinin müavini Mixail Qaluzin ilə görüşüb, səfir etimadnaməsinin surətlərini ona təqdim edib.
“Söhbət zamanı Rusiya-Azərbaycan münasibətlərinin mütərəqqi inkişafı vurğulanıb, ikitərəfli gündəliyin bəzi aktual mövzuları müzakirə edilib. Qarşıdan gələn dövlətlərarası təmasların qrafiki nəzərdən keçirilib”, – deyə məlumatda bildirilib.
