Aİ-nin 27 ölkəsinin xarici işlər nazirləri bu il keçirəcəkləri son iclasda ölkədəki vəziyyətlə bağlı Gürcüstana qarşı yeni tədbirləri nəzərdən keçirəcəklər.
Azpost.info xəbər verir ki, bu barədə Aİ-nin xarici siyasət xidmətindən bildirilib.
“Sizə xatırladırıq ki, məhz “Gürcü arzusu”nun hərəkətləri Aİ-yə üzvlük prosesinin faktiki dayandırılmasına səbəb olub. İkitərəfli münasibətlərimiz üçün Aİ dekabrın 16-da keçiriləcək Xarici Əlaqələr Şurasında əlavə tədbirləri nəzərdən keçirəcək”, – məlumatda deyilir.
Aİ “Gürcü arzusu”nu gürcü xalqına baha başa gələn bu vəziyyətə son qoymağa çağırır: “Zorakılıq etirazçıların Gürcüstanda demokratik və Avropa gələcəyinə dair tələblərinə cavab deyil. Aİ gürcü xalqı, onun demokratik və Avropa istəkləri ilə həmrəydir”.
Azpost.info
