ABŞ prezidenti Donald Tramp Qrenlandiyaya sahib olmağı ölkə üçün strateji əhəmiyyətli hesab edir.
Azpost.info bildirir ki, ABŞ-ın yeni seçilmiş prezidenti Donald Tramp ABŞ-ın Qrenlandiyaya sahib olmasının “mütləq zərurət” olduğunu bəyan edib. O, Amerikanın Danimarkaya yeni səfir təyin etmək qərarını belə şərh edib.
“Dünyada milli təhlükəsizlik və azadlıq üçün Amerika Birləşmiş Ştatları hesab edir ki, Qrenlandiyaya sahib olmaq və ona nəzarət etmək mütləq zərurətdir”, – Tramp özünün Truth Social səhifəsində yazıb.
Siyasətçi həmçinin qeyd edib ki, onun Danimarkadakı səfir postuna təklif etdiyi namizəd, ABŞ-ın İsveçdəki keçmiş səfiri və sahibkar Ken Houeri ABŞ-ın maraqlarını əla təmsil edərək iş görəcək.
Tarixən Qrenlandiya 1953-cü ilə qədər Danimarkanın müstəmləkəsi olub. Hazırda o, hələ də krallığın bir hissəsidir, lakin 2009-cu ildən muxtariyyətə malikdir. Daxili siyasət çərçivəsində özünüidarəetmə və müstəqil qərarlar qəbul etməyə imkan verir.
