qarət
Kişi ilk görüşdə qadını qarət etdi
Rusiyanın Blaqoveşensk şəhərində kişi ilk görüşdə bir xanımı qarət edib. AzPost xəbər verir ki, bu barədə “Amur Mash” Telegram kanalı məlumat yayıb. Belə ki, 46 yaşlı xanım 37 yaşlı kişi ilə onlayn platformada tanış olub və sonra onu evinə dəvət edib.
Kişi “məmnuniyyətlə razılaşıb” və gül və spirtli içki alaraq qadının evinə gəlib. Lakin görüş zamanı mübahisə düşüb. Qonaq ev sahibəsinin əlindən qızıl-zinət əşyaları, mobil telefon və bir neçə əl çantasını zorla götürüb və evi tərk edib.
Qarətin izini itirmək üçün kişi liftin düyməsində və ön qapının tutacağında barmaq izlərini təmizləməyə çalışıb. Amma polis həmin şəxsi aşkar edib.
Qeyd edək ki, kişi təmir işləri apardığı mənzillərdən birində saxlanılıb. “Qəhrəman aşiqi” 7 ilə qədər həbs cəzası gözləyir.
