Xanhüseyn Kazımlının qızı deputatlığa namizədliyini irəli sürüb

Beşinci çağırış Milli Məclisin yaşlı deputatlarından olan Xanhüseyn Kazımlı qarşıdan gələn növbədənkənar parlament seçkilərinə qatılmayacaq.

Amma əvəzində o, qızının namizədliyini 80 saylı İmişli-Beyləqan seçki dairəsindən fərdi namizəd kimi irəli sürüb.

Modern.az saytı məlumatı dəqiqləşdirmək üçün Dairə Seçki Komissiyası ilə əlaqə saxlayıb.

80 saylı İmişli-Beyləqan seçki dairəsindən saytımıza bildirilib ki, Xanhüseyn Kazımlının qızı sənədlərini DSK-ya dünən təqdim edib: “Əsli Kazımova deputatlığa namizəd olmaq üçün sənədlərini dünən təqdim edib”.

Qeyd edək ki, Xanhüseyn Kazımli birinci, ikinci, üçüncü, dördüncü və beşinci çağırış Milli Məclisin deputatı olub.