Tramp
ABŞ prezidenti Donald Tramp Ukraynanı nadir torpaq metalları ilə bağlı müqaviləsini pozmaqda ittiham edib.
AzPost “Reuters”ə istinadən bildirir ki, Tramp Vaşinqtonun Kiyevə yardımın müqabilində heç nə almadığını deyib.
Tramp müqaviləni “diriltmək” niyyətində olduğunu bildirib.
“Nadir torpaq elementləri və buna bənzər şeylərə əsaslanan müqaviləmiz var idi, lakin onlar bu müqaviləni pozdular”-deyə Tramp Mayamidə keçirilən investisiya forumunda deyib.
Təyyarəsinin göyərtəsində jurnalistlərə danışan Tramp Kiyevə səfəri zamanı maliyyə naziri Skott Bessentlə “kifayət qədər kobud” davrandığını qeyd edib. O, sövdələşməni “diriltmək” niyyətini açıqlayıb.
“Reuters”in məlumatına görə, Tramp administrasiyası hərbi münaqişənin həlli üzrə danışıqlara başlamazdan əvvəl Kiyevlə mineral ehtiyatlar üzrə razılığa gəlmək istəyir.
