ABŞ və Fransa prezidentləri dünən görüşüblər.
AzPost Ağ Evdə keçirilmiş görüşdə Tramp və Makronun açıqlamalarını təqdim edir:
▪️ABŞ prezidenti Donald Tramp “Ukraynaya heç kimin etmədiyi kimi kömək etdiyini” deyib, eyni zamanda münaqişənin həftələr ərzində bitəcəyini iddia edib. O, Ukrayna prezidenti Vladimir Zelenskinin sülh sazişini imzalamaq üçün Oval kabineti ziyarət edəcəyinə ümid etdiyini bildirib.
▪️Tramp həmçinin qeyd edib ki, Ukrayna öz ərazilərinin bir hissəsini qaytara bilər, lakin Kiyevdən mümkün güzəştlər barədə suala dəqiq cavab verməyib: “Baxarıq”.
▪️Bundan başqa, Tramp bildirib ki, Rusiya prezidenti Vladimir Putin sülh sazişi çərçivəsində Ukraynaya Avropa qoşunlarının yerləşdirilməsinə etiraz etmir. O, ABŞ-ın münaqişənin III Dünya Müharibəsi səviyyəsinə yüksəlməsinin qarşısını almaq niyyətində olduğunu vurğulayıb.
▪️Başqa bir açıqlamada Tramp qeyd edib ki, Rusiyanın ABŞ-a ehtiyacı olan resursları o cümlədən nadir torpaq metalları var. O, həmçinin Moskvaya səfər etməyə hazır olduğunu bildirib.
▪️Fransa prezidenti Emmanuel Makron Ukraynaya təhlükəsizlik zəmanəti verməyə hazır olduğunu təsdiqləyib, lakin hansı tədbirlərdən danışdığını açıqlamayıb.
▪️Makron iqtisadi məsələlərə də münasibət bildirib, ABŞ-ın mədən sövdələşmələrində iştirakının müsbət amil olduğunu deyib.
▪️Dondurulmuş Rusiya aktivlərinə gəlincə, Makron vurğulayıb ki, onların qaytarılması mümkün deyil, çünki bu, beynəlxalq hüquqa ziddir.
▪️Makron Ukraynanı müharibəyə son qoymaq üçün danışıqlara qoşulmağa çağırıb.
▪️Makron: Fransa və Böyük Britaniya Ukraynaya qoşun göndərməyə qədər gedə biləcək təhlükəsizlik zəmanətləri planı hazırlayıb. Onlar mütləq ön cəbhədə olmayacaqlar, lakin zəmanət olaraq iştirak edəcəklər.
