Bundesliqanın 25-cü turunun ikinci oyun günündə gözlənilməz nəticələr qeydə alınıb.
AZƏRTAC xəbər verir ki, çempionatın lideri Münxenin “Bavariya” klubu doğma meydanda gözlənilmədən bu mövsümün ən zəiflərindən olan “Boxum”a uduzub. Münxenlilər ilk hissəni 2:1 hesabı ilə üstün başa vursalar da, fasilədən sonra iki top buraxaraq oyunda məğlub olublar – 2:3.
İkinci sırada yer alan “Bayer Leverkuzen” doğma divarlar arasında “Verder Bremen”ə uduzub – 0:2. Eyni aqibəti “Borussiya Dortmund” da yaşayıb. Komanda ev oyununda “Auqsburq”a minimal hesabla məğlub olub. “Volfsburq” – “St Pauli” (1:1) və “Holştayn Kiel” – “Ştutqart” (2:2) görüşləri heç-heçə başa çatıb. Günə “Frayburq” – “Leyptsiq” görüşü ilə yekun vurulacaq.
Turun bazar günü keçiriləcək sonuncu iki görüşündə “Ayntraxt Frankfurt” komandası “Union Berlin”i, “Hoffenhaym” isə “Haydenhaym”ı qəbul edəcək.
Bundesliqanın 25-ci turunun açılış matçında isə “Maynts” səfərdə “Borussiya Münxenqladbax” üzərində qələbə qazanıb – 3:1.
Bundesliqaya 61 xalla “Bavariya” liderlik edir. Münxenliləri 53 xalla “Bayer Leverkuzen” izləyir.
