Rusiyada təyyarə magistral yola eniş edib.
AzPost BAZA-ya istinadən bildirir ki, hadisə Voloqda vilayətində baş verib.
Sosnovka kəndi yaxınlığında Voloqda və Çerepovets arasındakı A-114 avtomobil yolunda təyyarə məcburi eniş edib. Eniş yerinə yol polisi əməkdaşları gəlib.
Voloqda vilayətində magistral yola enən təyyarənin sükanı arxasında xüsusi podşipniklər zavodunun direktoru Aleksandr Qolets olub.
Mənbələrin bildirdiyinə görə, o, eniş yerinə gələn yol polisi əməkdaşlarına bildirib ki, təyyarədə texniki problemlər yaranıb və magistral yola təcili eniş etmək məcburiyyətində qalıb. Onun uçmağa icazəsi olub.
Yol polisi əməkdaşları Aleksandra təyyarəni təhlükəsiz yerə köçürməyə kömək ediblər. Lakin iş adamının yenidən havaya qalxmasına qadağa qoyulub.
