Əyləncə sənayesinin ən varlı adamlarından biri olan Tayler Perri 1,4 milyard dollar sərvəti olmasına baxmayaraq ailəsinə və qohumlarına pul vermir.
AzPost bildirir ki, YouTube-da “Den of Kings” şousunda danışan media maqnatı məsuliyyətsiz yardımın yalnız zərər verdiyinə inandığını bildirib: “Mən ailə üçün sosial yardım kimi olmaq istəmirəm. Mən yalnız pul paylamaq yox, qurmağa kömək etmək istəyirəm.”
Perri bir dəfə xalasını ondan pul istəməməsi üçün necə işə götürdüyünü, lakin tez bir zamanda onu işdən çıxardığını deyib. Xalası günlərlə işə gəlmirmiş: “Pul istəyirsən, amma işləmək istəmirsən. İş elə getməz”.
Perri keçmiş ortağı Gelila Bekele ilə birlikdə böyütdüyü 10 yaşlı oğlu Aman üçün eyni yanaşmadan istifadə edir. “Əgər nəyisə istəyirsə, onu qazanmalıdır. Məsələn, öz yerini yığışdırmalıdır, evdə nəsə kömək etməlidir”.
Oğluna milad bayramında yalnız kitablar və Lego dəstləri hədiyyə edir, təyyarələr yalnız ekonom sinifdir. “Beş il əvvəl o, hava limanındakı növbələrdən şikayətləndi. O vaxtdan bəri o, ancaq ekonom sinifdə uçurdu”.
Anası oğlundan qohumlarına dəstək olmağı xahiş edib. 2009-cu ildə anasının ölümündən sonra Perri qohumlarına məktublar göndərərək yazıb:”İş tapmaq üçün 60 gününüz var. Ömrümün sonuna qədər sizi saxlamaq fikrim yoxdur.”
“Bilirsən nə oldu? Hamı iş tapdı. Ən prestijli vəzifələrə olmasa da, qürurla işləyirlər. İnsanlara onları gücsüz edəcək şeylər vermək düz deyil. Bu, onlara edilə biləcək ən böyük pislikdir”-deyə milyarder bildirib.
