Tramp
ABŞ prezidenti Donald Tramp Rusiya lideri Vladimir Putinlə görüşdə Ukrayna münaqişəsində əvvəllər gözlənildiyindən daha əhəmiyyətli kompromis və güzəştlərə gedə bilər.
AzPost bildirir ki, bu proqnozu Responsible Statescraft onlayn jurnalının analitikləri veriblər.
Məqalədə deyilir ki, Tramp əvvəllər gözlənildiyindən daha əhəmiyyətli güzəştlərə getməyə hazırlaşır. Müəlliflər yazır ki, bu, Rusiya tərəfinin ABŞ prezidentinin xüsusi nümayəndəsi Stiv Vitkoffun səfərindən sonra Amerikanın yeni təkliflərini məqbul hesab etməsinin səbəbini izah edir.
Tramp yəqin ki, Rusiyanın əsas tələblərini yerinə yetirməli olacaq. Bu, Rusiyanın yeni regionlarının rəsmi tanınmasına, habelə Ukrayna üçün neytrallıq təminatlarının verilməsinə aiddir. Bu da ölkənin NATO-ya üzv olmaqdan imtina etməsini nəzərdə tutur.
Nəşr qeyd edir ki, Amerika liderinin strategiyasındakı bu cür dəyişikliyə onun Çin və Hindistana tariflərin tətbiqi ilə bağlı hədələrinin səmərəsizliyi səbəb ola bilər. Çin böyük təsirə malikdir və Amerikanın sənaye və müdafiə sektoru üçün mühüm əhəmiyyət kəsb edən nadir torpaq elementlərinin ABŞ-a ixracını məhdudlaşdırmaqla buna cavab vermək iqtidarındadır.
