Son vaxtlar sosial şəbəkələrdə yeni bir dələduzluq forması yayılıb. AzPost xəbər verir ki, vətəndaşlar “fake butik” adlanan saxta onlayn mağazaların qurbanına çevrilirlər.
Şikayətlərə görə, dələduzlar sosial şəbəkələrdə cazibədar şəkillər paylaşaraq geyim və aksesuar satışı ilə məşğul olduqlarını göstərirlər. Müştəri məhsulu bəyəndikdən sonra ödənişi əvvəlcədən tələb edirlər. Pul göndərildikdən sonra isə həmin səhifə müştərini “blok” edir və əlaqəni kəsir.
Belə hallarla rastlaşan vətəndaşlar bildirirlər ki, dələduzlar çox vaxt real butiklərin adından istifadə edir, şəkilləri başqa səhifələrdən götürür və ucuz qiymətlərlə alıcıları cəlb edirlər.
Mütəxəssislər xəbərdarlıq edirlər:
-
Heç vaxt tanımadığınız səhifəyə öncədən ödəniş etməyin.
-
Məhsulu ancaq ünvanda yoxlayaraq təhvil aldıqdan sonra ödəniş edin.
-
Şübhəli hesab və ya butiklə qarşılaşdıqda bu barədə dərhal hüquq-mühafizə orqanlarına və sosial şəbəkə administrasiyasına məlumat verin.
Qeyd edək ki, Azərbaycan qanunvericiliyinə görə, bu cür əməllər dələduzluq sayılır və Cinayət Məcəlləsinə əsasən ciddi məsuliyyət yaradır.
Vətəndaşlara tövsiyə olunur ki, internet üzərindən alış-veriş edərkən diqqətli olsunlar və şübhəli səhifələrə inanmasınlar.
