Argentinada evli cütlük nasistlər tərəfindən oğurlanmış və təsadüfən aşkar edilmiş rəsm əsərini geri qaytara biliblər.
AzPost “Der Spiegel” nəşrinə istinadən bildirir ki, rəssam Vittore Gislandinin “Bir xanımın portreti” ilə bağlı detektiv hekayənin tarixi İkinci Dünya Müharibəsindən başlanır.
Nasistlər Niderlandı işğal edəndə yerli yəhudilərin əmlakını talayıblar. Onların arasında o vaxt “Bir xanımın portreti”nin sahibi olan art-diler Jak Qudstikker də var idi. Tablonu SS xidmətinin əməkdaşı Fridirx Kadqin onun əlindən alıb. Faşist Almaniyasının məğlubiyyətindən sonra Fridrix Kadqin Argentinaya qaçıb və 1979-cu ildə orada vəfat edib.
Kadqinin öldüyü vaxt Argentinanın səlahiyyətli orqanları onun evində oğurlanmış qiymətli əşyaları tapmayıblar. Lakin 2025-ci ildə onun qızı Buenos-Ayresdə atasından miras qalmış əmlakı satmaq qərarına gəlib. Hollandiyanın “Algemeen Dagblad” qəzeti fotoşəkillərə diqqət yetirib. Orada evdəki digər əşyalarla yanaşı, divarda nasist Kadqinin oğurladığı “Bir xanımın portreti” asılmışdı.
Medianın ev sahibləri olan Kadgin qızı və əri ilə əlaqə saxlamaq cəhdləri nəticə verməyib. Əksinə, rəsm əsəri qəflətən mənzildən yoxa çıxıb, əvəzinə divardan xalça asılıb.
Lakin polis araşdırmaya başlayıb. Sentyabrın əvvəlində cütlük nəhayət şəxsən deyil, vəkili vasitəsilə tablonu rəsmi orqanlara təhvil verib. Onların özləri də ev dustaqlığındadırlar.
