Ukrayna yenidən “Qazprom”un Başqırdıstandakı neft-kimya kompleksinə PUA-larla hücum edib.
AzPost-un məlumatına görə, Başqırdıstanın qubernatoru Radiy Xabirov bildirib ki, “Qazprom Neftexim Salavat” PUA hücumuna məruz qalıb. Hücum obyektdə yanğınla nəticələnib.
RBC-Ukraynanın məlumatına görə, SBU Ukrayna sərhədindən təxminən 1400 kilometr aralıda yerləşən zavoda hücumu da təsdiqləyib. Nəşrdəki mənbə bildirib ki, SBU Ukraynaya qarşı “müharibəni maliyyələşdirən hədəflərə” məqsədyönlü zərbələr endirməkdə davam edir.
Sentyabrın 18-də “Qazprom”un Başqırdıstandakı kompleksinə də pilotsuz təyyarələr hücum etmişdi.
