Azərbaycanın oğlanlardan və qızlardan ibarət stolüstü tennis üzrə yığmaları komanda yarışlarında gümüş medallar qazanıblar.
AzPost-un yarışlara ezam olunmuş əməkdaşının verdiyi məlumata görə, final oyununda oğlanlardan ibarət komanda Rusiya yığmasına 0:2 hesabı ilə uduzub. Qızlardan ibarət komanda da Rusiya ilə qarşılaşmada 0:2 hesabı ilə məğlub olub. Hər iki komanda III MDB Oyunlarının gümüş medalçısı olub.
Qeyd edək ki, stolüstü tennis üzrə yarışlar III MDB Oyunlarında sentyabrın 29-da yekunlaşacaq.
