III MDB Oyunlarında çıxış edən rusiyalı idmançı Maria Lakovleva Bakıda qazandığı qələbədən sonra emosiyalarını bölüşüb.
AzPost xəbər verir ki, o, qadınların 200 metr məsafəyə bras üslubu üzrə yarışda fəxri kürsünün ən yüksək pilləsinə yüksələrək qızıl medal əldə edib.
Gənc idmançı açıqlamasında bildirib ki, Azərbaycanda ilk dəfə iştirak etməsinə baxmayaraq, yarışın təşkilatı və şərait onu çox məmnun edib:
“Burada olmaq mənim üçün xoş bir hissdir. Hovuz müasir standartlara tam cavab verir, üzmək çox rahatdır. Atmosfer isə həm idmançılar, həm də tamaşaçılar üçün əsl bayram ab-havası yaradır. Bu qələbə beynəlxalq arenada mənim üçün böyük təcrübə oldu”.
Lakovleva əlavə edib ki, Azərbaycanın qonaqpərvərliyi və gözəlliyi onda dərin təəssürat yaradıb:
“Ölkəniz çox gözəldir və burada keçirdiyim hər an yaddaşıma həkk olunacaq”.
