Makronlar
Fransanın birinci xanımı Bricit Makronun qızı Tifin Ozier məhkəmədə anasının guya kişi doğulduğu barədə yalan şayiələrin yayılması ilə bağlı ifadə verib.
AzPost bildirir ki, bu barədə Politico xəbər verir.
“Heç bir həftə keçmir ki, kimsə ona bunu xatırlatmasın”, – deyə Ozier anasının onun haqqında deyilən bütün dəhşətli şeyləri görməzdən gələ bilməyəcəyini vurğulayaraq bildirib.
O, internetdə böhtan xarakterli mesajlar yaymaqda ittiham olunan on nəfərin iki günlük dinləməsində yeganə şahid olub.
Bir gün əvvəl Franceinfo radiosu Bricit Makrona qarşı kiberzorakılıq işində ittiham olunanların onun cinsini sübut etməyi tələb etdiyini bildirib.
Həmçinin əvvəllər Fransa prezidentinin həyat yoldaşının ölkənin rəsmi vergi saytında kişi adı ilə qeyd edildiyi də məlum olub.
