Omanın paytaxtı Maskat şəhərində Azərbaycanın Omandakı səfirliyinin inzibati binasının rəsmi açılış mərasimi olub.
Bu barədə Azərbaycan xarici işlər naziri Ceyhun Bayramov “X”də bildirib.
“Yeni diplomatik missiya ölkələrimiz arasında dərinləşən tərəfdaşlıqda mühüm irəliləyişdir. Biz ticarət, investisiya, mədəniyyət və turizm sahələrində ikitərəfli əməkdaşlığı gücləndirməyə sadiqik. Bu da öz növbəsində həm Azərbaycan, həm Oman xalqları üçün yeni fürsətlər yaradacaq. Bu addımlar bizim siyasi dialoqu, xalqlar arasında əlaqəni və uzunmüddətli tərəfdaşlığı gücləndirmək barədə ortaq qətiyyətimizi əks etdirir”, – Ceyhun Bayramov qeyd edib.
