Avropa Rusiya ilə mümkün silahlı qarşıdurmaya hazırlaşır və hərbi yönümlü iqtisadiyyat formalaşdırır.
Bunu Macarıstanın Baş naziri Viktor Orban bildirib.
Onun sözlərinə görə, Avropa İttifaqının rəsmi mövqeyi 2030-cu ilə qədər müharibəyə hazır olmaqdır və bu məqsədlə hərbi iqtisadiyyat yaradılır.
Orban qeyd edib ki, Aİ ölkələri avtomobil istehsalını silah və zirehli texnika buraxılışına yönəltməyə başlayıblar.
O vurğulayıb ki, hərbi genişlənmənin dörd mərhələsi var.
“Birinci mərhələ – diplomatik əlaqələrin kəsilməsi və bu artıq baş verib. İkinci mərhələ – iqtisadi sanksiyaların tətbiqi və əməkdaşlığın dayandırılması. Üçüncü mərhələ – çağırış sisteminin tətbiqi və hərbi iqtisadiyyata keçid, hazırda həm biz, həm də Brüssel bu mərhələdəyik. Dördüncü mərhələ isə birbaşa toqquşma mərhələsidir”, – deyə Orban bildirib.
