İran ordusu ölkəni bürüyən kütləvi etirazların yatırmağa hazır olduğunu açıqlayıb.
AzPost bildirir ki, bu barədə WSJ nşri xəbər verir. Hərbçilər milli maraqları, strateji infrastrukturu və dövlət əmlakını qətiyyətlə müdafiə edəcəyini bildirib və iğtişaşlara görə İsraili və terrorçu qrupları günahlandırıblar.
Media xəbərlərinə görə, Tehranda etirazçılar məscidi yandırıblar. İranın bir neçə şəhərində hakimiyyət orqanları etirazçılara atəş açıblar. Təsdiqlənməmiş məlumatlara görə, paytaxtdakı altı xəstəxananın morqlarında 217 nəfərin cəsədi var. Etirazlar ölkə daxilində yayılıb.
İranın devrilmiş Şahının oğlu Rza Pəhləvi isə etiraz edən iranlıları ölkədə hakimiyyəti zorla ələ keçirməyə çağırıb. “Məqsədimiz yalnız küçələrə çıxmaq deyil; məqsədimiz şəhər mərkəzlərini ələ keçirməyə və saxlamağa hazırlaşmaqdır”, – deyə o bildirib.
Rza Pəhləvi İranda ümumi tətil çağırışı edib. “İqtisadiyyatın əsas sektorlarının işçilərini və qulluqçularını ümumi tətilə başlamağa çağırıram”, – deyə o bildirib.
O, əsas sektorlarda – nəqliyyat, neft, qaz və enerji sahələrində çalışan işçiləri ümumi tətilə və bütün vətəndaşları şəhər mərkəzlərini işğal etmək və saxlamaq üçün milli simvollarla küçələrə çıxmağa çağırıb.
“Mən həmçinin milli inqilabımızın qələbə qazandığı zaman sizinlə, böyük İran xalqı ilə birlikdə olmaq üçün vətənimə qayıtmağa hazırlaşıram. İnanıram ki, o gün çox yaxındır”, – deyə Pəhləvi əlavə edib.
