Ukraynada müharibə 4 iyulda başa çata bilər.
Azpost.info bildirir ki, bu barədə ABŞ Silahlı Qüvvələrinin Avropadakı keçmiş komandanı, general Hodges bildirib.
ABŞ Kiyevin 4 iyul, ölkənin Müstəqillik Gününə qədər sülh sazişi bağlamasını istəyir. Ben Hodgesin sözlərinə görə, Tramp həmin tarixdə böyük biznes sövdələşmələrini elan etməyə ümid edir.
O hesab edir ki, Tramp Rusiya ilə ABŞ arasında artıq bağlanmış biznes sövdələşmələrinə diqqət yetirir. “Düşünürəm ki, artıq sazişlər var və bu sənədlər bu yay bir növ sövdələşmə olacağına inandıqdan sonra ictimaiyyətə açıqlanacaq. Buna görə də prezident Tramp hər şeyin 2026-cı ilin iyun ayına qədər hazır olmasını istəyir ki, 4 iyul, Müstəqillik Günündə böyük biznes sövdələşmələri təqdim edə bilsin”,-deyə Hodges Ukraynanın 24-cü kanalına bildirib.
“Tramp administrasiyasının yanaşması ruslara deyil, Ukraynaya təzyiq göstərməkdir”, Hodges iddia edib.
Fevralın 13-də Tramp bildirib ki, Vladimir Zelenski Ukraynadakı münaqişənin həllinə doğru irəliləməlidir, əks halda sülh üçün əla fürsəti əldən verəcək.
