İsrail yenidən İrana zərbələr endirib.
Azpost.info bildirir ki, İsrail ordusunun açıqlamasına görə, İsrail Müdafiə Qüvvələri 1 mart gecəsi İrana qarşı əlavə bir sıra hücumlar həyata keçirib. Yeni hücumların ballistik raket sistemlərini və İran hava hücumundan müdafiə sistemlərini hədəf aldığı vurğulanır. İran dövlət mediası Tehranda partlayış baş verdiyini bildirib.
AFP-nin məlumatına görə, şəhərdə ən azı üç partlayış baş verib.
İran İsrail ərazisinə və Yaxın Şərqdəki ABŞ hərbi bazalarına zərbə endirməklə cavab verib. İsrail fövqəladə vəziyyət elan edib. 1 mart səhəri Dubayda (BƏƏ), Dohada (Qətər) və Manamada (Bəhreyn) yeni partlayışlar eşidilib.
İran dövlət mediasının məlumatına görə, yeni hücum dalğası Ali Rəhbər Ayətullah Əli Xameneinin ölümünə səbəb olan ABŞ və İsrailin kütləvi hücumuna cavab olub. İran dövlət televiziyasının verdiyi məlumata görə, hədəflər bölgədəki 27 Amerika bazası, eləcə də İsrailin hərbi qərargahı və Təl-Əvivdəki müdafiə sənayesi kompleksini əhatə edib.
