Çin poladdan təxminən on dəfə möhkəm, yeni ultra yüksək möhkəmliyə malik T1200 dərəcəli SYT80 karbon lifini təqdim edib.
Azpost.info bildirir ki, məhsulu “China National Building Material Group” şirkəti təqdim edib.
Şirkətin açıqlamasına görə, materialın dartılma möhkəmliyi 8000 meqapaskaldan çoxdur. Müqayisə üçün, ənənəvi struktur poladın dartılma möhkəmliyi 400 ilə 600 meqapaskal arasında dəyişir.
Şirkət qeyd etdi ki, materialın yaradılması böyük texnoloji nailiyyətdir. Bu, Çinin yüksək performanslı karbon lif təchizat zəncirinə tam nəzarət etdiyini nümayiş etdirir.
Tərtibatçıların fikrincə, aşağı sıxlıq və yüksək möhkəmliyin birləşməsi materialın aerokosmik sənayedə daha yüngül və daha güclü komponentlər yaratmaq üçün istifadəsinə imkan verəcək. Bu, xüsusilə təyyarələrə, kosmik gəmilərə və dərin kosmik tədqiqat avadanlıqlarına aiddir.
Texnologiya və Strategiya Tədqiqatları İnstitutunun eksperti Çen Cinq bildirib ki, yeni material altıncı nəsil qırıcı təyyarələrin yaradılmasında da istifadə edilə bilər.
