“ABŞ Hərbi Dəniz Qüvvələri Hörmüz boğazına daxil olmaq və ya oradan çıxmaq istəyən bütün gəmilərin blokadasına başlayacaq“.
ABŞ Prezidenti Donald Tramp bu barədə paylaşmında bildirib.
“İslamabadda görüş yaxşı keçdi, əksər məqamlar razılaşdırıldı. Lakin yeganə və ən vacib məsələ — nüvə məsələsi razılaşdırılmadı. Dərhal qüvvəyə minməklə, dünyanın ən yaxşısı olan ABŞ Hərbi Dəniz Qüvvələri Hörmüz boğazına daxil olmaq və ya oradan çıxmaq istəyən bütün gəmilərin blokadasına başlayacaq. Müəyyən vaxtdan sonra biz “hamının girib-çıxmasına icazə” rejiminə keçəcəyik. İran sadəcə, “haradasa mina ola bilər” deməklə bunu mümkünsüz edib , bunu isə onlardan başqa heç kim bilmir. Bu, dünya miqyasında şantajdır və heç bir ölkə lideri, xüsusilə ABŞ şantaja boyun əyməyəcək. Mən Hərbi Dəniz Qüvvələrinə beynəlxalq sularda İranın qanunsuz ödəniş aldığı bütün gəmiləri izləmək və saxlamaq əmri vermişəm. Qanunsuz ödəniş edən heç bir gəmi açıq dənizdə təhlükəsiz hərəkət edə bilməyəcək. Biz həmçinin İranın boğazda yerləşdirdiyi minaların zərərsizləşdirilməsinə başlayacağıq. ABŞ və ya dinc gəmilərə atəş açan hər hansı İran tərəfi tamamilə məhv ediləcək”, – deyə Donald Tramp qeyd edib.
“İran bu vəziyyəti necə bitirəcəyini hamıdan yaxşı bilir, bu vəziyyət artıq onların ölkəsini dağıdıb. Onların donanması yoxdur, hava qüvvələri yoxdur, hava hücumundan müdafiə və radar sistemləri işləmir, Xameneyi və onların əksər “liderləri” artıq yoxdur — hamısı nüvə ambisiyalarına görə. Blokada tezliklə başlayacaq. Bu blokadada digər ölkələr də iştirak edəcək. İran bu qanunsuz şantajdan qazanc əldə edə bilməyəcək. Onlar pul istəyirlər və daha da önəmlisi olan nüvə istəyirlər. Bundan əlavə, uyğun vaxtda biz tam “hazır və döyüşə hazır” vəziyyətdəyik və ordumuz İranın qalan hissəsini tam şəkildə tamamlayacaq”, – deyə ABŞ Prezidenti vurğuılayıb.
