Rusiyada Kremlin digər ölkələrdə “qanuni” şəkildə ordu yeritməsinə imkan verən xüsusi qanun hazırlanır.
Azpost.info bildirir ki, Rusiya Dövlət Duması prezident Vladimir Putuna “Rusiya vətəndaşlarını qorumaq” bəhanəsi ilə Rusiya silahlı qüvvələrini digər ölkələrə göndərmək hüququnu rəsmi olaraq verən qanun layihəsini birinci oxunuşda təsdiqləyib.
Bu barədə Rusiyanın İnterfaks xəbər agentliyi və The Moscow Times məlumat yayıb.
İzaha görə, sənəd guya rusların xaricdə həbsi, saxlanılması və ya cinayət təqibi hallarında qorunması üçün hazırlanıb. Bu, Moskvada qərarları Rusiya Federasiyasının beynəlxalq müqavilələrinə və ya BMT Təhlükəsizlik Şurasının qətnamələrinə əsaslanmadığı təqdirdə tanınmayan xarici məhkəmələrin və beynəlxalq qurumların hərəkətlərinə aiddir.
Qanun layihəsi NATO və Avropa kəşfiyyat xidmətlərinin Rusiyanın bir və ya bir neçə ölkəsi ilə mümkün münaqişəyə hazırlıqları barədə xəbərdarlıqları fonunda təqdim edilib.
2025-ci ilin yayında Almaniya kəşfiyyat agentliyi BND-nin rəhbəri Baltikyanı ölkələrdə “Krım ssenarisi” ilə bağlı təxribat riski barədə xəbərdarlıq edib, Fransa Baş Qərargah rəisi general Fabien Mandon isə yaxın üç-dörd il ərzində Rusiya ilə mümkün toqquşmaya hazırlıq çağırışı edib.
Müharibə Araşdırmaları İnstitutunun (ISW) analitiklərinə görə, Rusiya artıq hazırlıqların “sıfır mərhələsi” adlanan mərhələsində ola bilər: hərbi rayonlar yenidən təşkil olunur, Finlandiya ilə sərhəd yaxınlığında yeni hərbi obyektlər yaradılır və Avropa ölkələrində təxribatlar, GPS-in tıxanması və digər hadisələr qeydə alınır.
Xatırladaq ki, Rusiya qanunvericiliyi qanun layihələrini Dövlət Dumasında üç oxunuşdan keçirməyi tələb edir.
