Ukrayna çərşənbə axşamı, 21 apreldə “Drujba” boru kəməri ilə neft nəqlini bərpa etməyi planlaşdırır.
Azpost.info bildirir ki, bu barədə Bloomberg mənbələrə istinadən xəbər verir.
“Ukrayna Drujba boru kəməri ilə neft nəqlinin çərşənbə axşamı günü bərpa olunacağını gözləyir”-deyə xəbərdə vurğulanır.
Kiyev ümid edir ki, bu addım Avropa Birliyinə Ukrayna üçün çox ehtiyac duyulan krediti açmağa imkan verəcək.
Mənbələr iddia edir ki, boru kəmərinin texniki sınaqları 21 apreldə keçiriləcək.
Daha əvvəl Tisza partiyasının lideri Peter Magyar bildirmişdi ki, o, ukraynalı tərəfdaşları ilə əlaqə saxlayan MOL-un baş direktoru Zsolt Hernadidən gələn həftə Drujba boru kəməri vasitəsilə Macarıstana Rusiya neftinin tranzitinin bərpası barədə məlumat əldə edib.
Xatırladaq ki, 21 apreldə Aİ Xarici İşlər Şurası Ukrayna üçün 2026-2027-ci illər üçün 90 milyard avroluq kreditin açılmasını nəzərdən keçirməyi planlaşdırır.
