Ermənistan hökuməti bu günkü iclasında ABŞ prezienti Trampın təşəbbüsü ilə irəli sürülən “Sülh Şurası haqqında” qanun layihəsini təsdiqləyib.
Azpost.info bildirir ki, Nizamnamə təsdiq üçün parlamentə təqdim ediləcək.
Ermənistan Nizamnaməni 22 yanvar 2026-cı ildə imzalayıb. ABŞ Nizamnaməni 16 yanvar 2026-cı ildə imzalayıb.
Aşağıdakı ölkələr də Nizamnaməni imzalayıblar: Argentina, Azərbaycan, Bəhreyn, Macarıstan, İndoneziya, İordaniya, Qazaxıstan, Kosovo, Monqolustan, Mərakeş, Pakistan, Paraqvay, Qətər, Səudiyyə Ərəbistanı, Türkiyə, Birləşmiş Ərəb Əmirlikləri və Özbəkistan.
Sülh Şurası əsas məqsədi münaqişə zonalarında sabitliyi təşviq etmək və sülhü təmin etmək olan beynəlxalq təşkilatdır. Şura beynəlxalq hüquqa uyğun olaraq və Nizamnamə ilə müəyyən edilmiş qaydada sülh axtaran bütün xalqlar və icmalar üçün tətbiq olunan ən yaxşı təcrübələrin hazırlanması və yayılması da daxil olmaqla, bu sülh quruculuğu funksiyalarını öz üzərinə götürür.
