Londonda Ermənistan və Azərbaycan ekspertləri sülh prosesinin inkişafı, imkanlar və riskləri müzakirə ediblər.
Azpost.info bildirir ki, bu barədə “Ermənistan Şurası” analitik mərkəzinin sədri və Sülh Körpüsü təşəbbüsünün koordinatoru Areq Koçinyan özünün Facebook səhifəsində məlumat verib.
“Onilliklər davam edən münaqişədən sonra sülh təkcə siyasi danışıqlar yolu ilə deyil, həm də insanlar arasında etimad yolu ilə qurulur. Bu gün Ermənistan-Azərbaycan sülh prosesində yeni bir fürsət yaranıb və cəmiyyətlərin də bu prosesdə iştirak etməsi vacibdir. Londonda keçirilən görüşdə erməni və Azərbaycan ekspertləri sülh prosesinin hazırkı mərhələsini, imkanları və riskləri müzakirə ediblər”, – Koçinyan yazıb.
O, əlavə edib ki, davamlı sülh dialoq, etimad və uzunmüddətli əməkdaşlıq yolu ilə formalaşır.
