Ermənistan Rusiya ilə münaqişəyə girməyəcək.
Azpost.info bildirir ki, bu barədə Baş nazir Nikol Paşinyan jurnalistlərə deyib.
Onun sözlərinə görə, bu, nə məqsədlərinə, nə də dövlət kimi respublikanın miqyasına uyğundur.
“Biz Rusiya ilə münaqişəyə girməyəcəyik. Birincisi, ona görə ki, Rusiya ilə münaqişəyə getmək bizim miqyasımız və həddimiz deyil”, – deyə Paşinyan bildirib.
O, həmçinin xatırladıb ki, Ermənistan Avrasiya İqtisadi Birliyinin tamhüquqlu üzvüdür. Eyni zamanda, baş nazir rəqiblərini ucuz təxribatlarda ittiham edib. Onun fikrincə, bu təxribatlar Ermənistanı Rusiyaya qarşı qoymağa yönəlib.
