2026-cı il 25 may saat 00:00-dan dəmiryol nəqliyyatı vasitəsilə Azərbaycan vətəndaşlarının və ölkəmizə vizasız gəlmə hüququ olan bütün xarici ölkə vətəndaşlarının Azərbaycan ilə Gürcüstan arasında giriş-çıxışına icazə veriləcək.
Bu barədə Baş nazir Əli Əsədov qərar imzalayıb.
**
ADY bu qərarla bağlı açıqlama yayıb.
Açıqlamada deyilir ki, Nazirlər Kabineti dəmiryol nəqliyyatı vasitəsilə sərnişinlərin 25 may saat 00:00-dan etibarən Azərbaycana giriş-çıxışının təmin edilməsi ilə bağlı qərar verib.
ADY 26 maydan başlayaraq Bakı-Tbilisi-Bakı marşrutu üzrə müntəzəm sərnişin daşımalarına başlayacaq.
