Futbol
Beynəlxalq Futbol Assosiasiyaları Federasiyası (FIFA) 11 iyun – 19 iyul tarixlərində ABŞ, Meksika və Kanadada keçiriləcək Dünya Kubokunun ən yaşlı və ən gənc oyunçularının adını açıqlayıb.
Azpost.info bildirir ki, ən yaşlı oyunçu Şotlandiya və “Harts” komandasının qapıçısı Kreyq Qordon olub (43 yaş 162 günlük).
41 yaşlı Portuqaliya və Səudiyyə Ərəbistanının “Əl-Nəsr” komandasının hücumçusu Kriştianu Ronaldo ikinci, 40 yaşlı Meksika və Kipr klubu AEL-in qapıçısı Qilyermo Oçoa isə ilk üçlüyü tamamlayıb.
Ən gənc oyunçu Meksika və “Tijuana”nın yarımmüdafiəçisi 17 yaş 240 günlük Gilberto Mora olub.
Qrup mərhələsində Meksika Çexiya, Cənubi Afrika və Cənubi Koreya ilə, Şotlandiya isə Braziliya, Mərakeş və Haiti ilə qarşılaşacaq.
