Son illər aparılan araşdırmalar göstərir ki, D vitamini çatışmazlığı dünyada milyonlarla insanın üzləşdiyi gizli sağlamlıq problemlərindən biridir.
Azpost.info bildirir ki, mütəxəssislərin fikrincə, bu vitaminin azlığı təkcə sümüklərə deyil, həm də immun sisteminə, əhval-ruhiyyəyə və yaddaşa təsir edir.
Həkimlərin sözlərinə görə, D vitamini çatışmazlığının ən çox rast gəlinən əlamətləri daimi yorğunluq, əzələ zəifliyi, tez-tez xəstələnmə, diqqət dağınıqlığı və yuxu problemləridir. Bəzi hallarda insanlar bu əlamətləri stress və ya yaşlanma ilə əlaqələndirsələr də, səbəb vitamin çatışmazlığı ola bilər.
Mütəxəssislər bildirirlər ki, D vitamininin əsas mənbəyi günəş işığıdır. Bununla yanaşı, yağlı balıq növləri, yumurta sarısı və bəzi süd məhsulları da bu vitaminlə zəngindir.
Araşdırmalar göstərir ki, xüsusilə qapalı məkanlarda işləyən insanlar, yaşlılar və artıq çəkidən əziyyət çəkən şəxslər risk qrupuna daxildir.
Həkimlər hər hansı əlavədən istifadə etməzdən əvvəl qan analizi verməyi və nəticələrə uyğun müalicə planı hazırlamağı tövsiyə edirlər.
